श्रीक्षेत्र आळंदी येथे कार्तिक महिन्यातील प्रबोधनी एकादशी निमित्त माऊलींच्या पालखीची ग्राम प्रदक्षिणा घालण्यात आली

आळंदी ( मनोहर गोरगल्ले) :

प्रबोधिनी एकादशी निमित्त आळंदी मंदिरासह अलंकापुरीत माऊलींचे पालखीची नामजयघोषात प्रदक्षिणा करण्यात आली.आळंदी पंचक्रोशीतून माऊलींचे दर्शनासाठी मंदिरात भाविकांनी गर्दी केली. आळंदीत विविध उपक्रमांनी एकादशी साजरी झाली. एकादशीचे परंपरा कायम ठेवत माउलींच्या पालखीची ग्राम प्रदक्षिणा झाली. प्रदक्षिणा रस्त्याचे दुतर्फा भाविकांनी श्रींचे दर्शन घेण्यास गर्दी केली. हजेरी मारुती मंदिर मार्गे इंद्रायणी नदी किनारा मार्गे श्रींची पालखी खांद्यावर हरिनाम गजरात मिरवीत ग्रामस्थ भाविकांनी मंदिरात आणली. मंदिरात प्रदक्षिणा झाल्यावर प्रमुख मानकरी व सेवकांना नारळ प्रसादाचे वाटप करण्यात आल्याचे उपव्यवस्थापक तुकाराम माने यांनी सांगितले. मंदिरात विविध कार्यक्रम झाले. यामध्ये श्रींची पूजा, आरती, उपवासाचा फराळाचा महानैवेद्य, धुपारती आदींचा समावेश होता. श्रींचे पालखी प्रदक्षिणा प्रसंगी आळंदी देवस्थानचे विश्वस्त योगी निरंजन नाथसाहेब, व्यवस्थापक माउली वीर, मानकरी कुऱ्हाडे पाटील, मालक ऋषिकेश पवार आरफळकर, मंगेश आरु, चोपदार सेवक वैष्णव रणदिवे, राजाभाऊ चौधरी, बल्लाळेश्वर वाघमारे आदी उपस्थित होते. मानकरी व सेवकांना देवस्थान तर्फे नारळ प्रसाद परंपरेने वाटप करण्यात आले.तीर्थक्षेत्र आळंदी ग्रामस्थ इंद्रायणी आरती ग्रुप, राजमाता जिजाऊ महिला प्रतिष्ठान, महिला बचत गट सदस्य, पदाधिकारी, महिला मंडळ तसेच आळंदी ग्रामस्थ यांचे वतीने इंद्रायणी नदी घाटावर घाट स्वच्छता करीत इंद्रायणीची आरती हरिनाम गजरात झाली. कार्तिकी तील प्रबोधिनी एकादशी दिनी इंद्रायणीच्या आरती करून नदी घाट स्वच्छता करीत सामाजिक बांधिलकी जोपासण्यात आल्याचे सामाजिक कार्यकर्त्या अनिता झुजम यांनी सांगितले.
स्वकाम सेवा मंडळाची पंढरपूर परिसरात स्वच्छता
कार्तिकी यात्रा २०२४ निमित्त पंढरपूर सेवेसाठी २०० सेवक रवाना झाले आहेत. ६ ते १५ नोव्हेंबर २०२४ या कालावधीत तीन ग्रुप मधून सेवेसाठी स्वच्छतादूत सेवक रवाना करण्यात आले. पंढरपूर मंदीर व मंदीर परीसर, मंदीर ते पत्रा शेड दर्शन २४ तास स्वच्छ्ता ठेवण्याचे कार्य तसेच प्रसाद लाडू पॅकींग साठी मदत केली जाणार असल्याचे अध्यक्ष सुनील तापकीर यांनी सांगितले. नगर निवासी श्री क्षीरसागर महाराज यांच्या प्रेरणेने संस्थापक डॉ. सारंग जोशी यांनी १७ नोव्हेंबर १९९६ रोजी स्वकाम सेवा मंडळाची सेवा सुरू केली. यासाठी अध्यक्ष सुनिल तापकीर, महिला विंग अध्यक्षा आशा तापकीर यांनी प्रभावी नियोजन केले आहे. यासाठी पंडीत आल्हाट, उमेश गावडे, बाळासाहेब गांधीले, माऊली पठारे, रोहिदास थोरवे, दत्ता फलके, राजू सस्ते, धनाजी गावडे, माऊली वहिले , रामदास बांदल, संतोष गव्हाणे, संभाजी चौधरी, प्रकाश ठाकूर, बाळासाहेब ठाकूर, प्रसन्न लांडे, संभाजी तापकीर, सागर कोतवाल, अंकुश बटवाल, ज्ञानेश्वर सिनलकर, इंद्रजित गांधील, एकनाथ डुंबरे, अरुण गाईचोर, विलास महाले
स्वकाम सेवेचे तिन्ही ग्रुप पंढरपूर सेवेसाठी रवाना झाले असल्याचे अध्यक्ष सुनील तापकीर यांनी सांगितले.